UNIVERSIDADE POPULAR DE CORCUBIÓN

OBRADOIRO DE MANUALIDADES

2011-07-07T00:23:00.005+01:00

Na Universidade Popular de Corcubión non paramos as actividades no verán. Desta vez, cun "Obradoiro Infantil de Manualidades", que xa comezou o dia 1 de Xullo.
Está impartido pola monitora Mari Lago Trillo, de Corcubión e vai dirixido a nenos e nenas a partir de 3 anos de idade.
Será durante os meses de Xullo e Agosto, tódolos mércores, de 12 a 13:30 h.
Lugar: local da Asociación Universidade Popular.

Aínda estades a tempo de inscribirvos, no Tf: 678237238 ou enviando un correo electrónico a : universidadecorcubion@hotmail.com
Socios: 10 euros
Non Socios: 12 euros

Este Xoves...

2011-05-03T18:20:00.003+01:00

VI Torneo de Xadrez Concello de Laracha. 30 Abril 2011

2011-05-02T17:02:00.024+01:00

Celebrouse este Sábado 30 de abril en Laracha o VI Torneo de Xadrez, no que participaron os nosos alumnos das Clases de Xadrez que imparte Ramón Franco tódolos sábados na Casa da Cultura de Corcubión.

Clasificación final:

1 Rodriguez Lamas, Manuel Abs 1811 1795 6 23.5 25.0 21.0
2 Aguiar Maciñeiras, Santiago Abs 1982 1915 5.5 29.5 30.0 24.0
3 Franco Blanco, Ramon Abs 5 30.5 34.0 24.0
4 Moar Botana, Damian S16 5 27.0 29.5 21.0
5 Casares Gestal, Pablo S16 5 24.5 26.5 21.0
6 Fariñas Pose, Julio Abs 1783 1596 5 24.0 26.0 17.0
7 De la Peña Llerandi, Adolfo Abs 1570 1507 4.5 27.0 30.5 22.0
8 Del Rio Sanchez, Jaime S16 4.5 27.0 30.0 19.5
9 Louro Pan, Jose Abs 4 27.0 30.0 18.0
10 Vilaboa Galán, Sergio S16 4 25.0 28.0 18.0
11 Sixto Puente, Eloy Abs 4 23.0 25.5 16.0
12 Garcia Garcia, Guilherme S16 4 22.5 25.0 14.0
13 Iglesias Santabarbara, Keko Abs 4 22.0 23.5 17.0
14 Moreira Villanueva, Carlos S12 4 21.0 22.5 17.0
15 Fernandez Gayoso, Brais S12 3.5 24.5 26.5 14.5
16 Fuentes Prego, Alberto Abs 3.5 19.0 21.0 11.0
17 Cotelo Garcia, Daniel S16 3.5 18.5 20.5 12.0
18 Lago Vázquez, Juan S16 3 23.5 24.0 13.0
19 Ponte Rodriguez, Adrian S16 3 23.0 25.5 14.0
20 Barca Espinosa, Raul S12 3 21.0 21.5 12.0
21 Cotelo Garcia, Xaquin S12 3 20.5 22.5 8.0
22 Lorenzo Cederia, Marcos S12 3 15.5 17.0 8.5
23 Cotelo García, Xoan S12 2.5 22.5 25.0 10.0
24 Lorenzo Pose, Martin S12 2.5 22.5 24.5 9.0
25 Bouza Santiso, Roque S12 2.5 20.5 21.0 10.0
26 Calviño Garcia, Jacobo S12 2.5 17.5 18.0 6.0
27 Fraga Felipez, Raul S12 2 22.0 22.5 9.0
28 Calviño Garcia, Alvaro S12 2 20.0 21.5 8.5
29 Fraga Felipez, Jorge S12 1 19.5 21.0 5.0

Para inscribirse á ESCOLA DE XADREZ:

Nº de Tf da Universidade Popular: 672017749 ou no Tf: 671917831

Máis información:

http://pokeryajedrez.com/noticias/noticias-ajedrez/final-vi-torneo-concello-da-laracha-manuel

ENTROIDO 2011

2011-03-03T10:37:00.003Z

OBRADOIRO DE MÁSCARAS

Luns 7 de Marzo

Hora: de 11:30 a 13:30

Lugar: Casa da Cultura de Corcubión

Dirixido a rapaces e rapazas de 6 a 12 anos de idade.

Inscricións: na biblioteca ou no Tf: 672017749

Impartido por: Marta Lorenzo Xoubanova.

http://universidadecorcubion.blogspot.com/

XADREZ

2010-12-20T11:03:00.012Z

ESCOLA DE XADREZ-UNIVERSIDADE POPULAR DE CORCUBIÓN

Apúntate xa!!.
Reunión informativa: este Venres 24 de decembro, na Casa da Cultura, ás 12:00 h.

SOCIOS: 8 euros
NON SOCIOS: 10 euros

INSCRICIÓNS: no Tf. 671917831, ou no correo electrónico:
universidadecorcubion@hotmail.com

PRÓXIMO DIA: Venres 31, ás 12:00 h da mañá.

VISITA TAMÉN O NOSO BLOG DE XADREZ:

http://xadreznacosta.blogspot.com/

FESTIVAL DE NADAL 2010

2010-12-15T10:30:00.003Z

Este Sábado 18 de Decembro a Universidade Popular de Corcubión celebra outro ano máis o seu “Festival de Nadal”. Será a partir das 19:00 h da tarde, na Casa da Cultura de Corcubión.

Coas actuacións do Grupo de Baile Nerio e o Grupo de Pandeireta “Millo Verde”.

Ademáis doutras sorpresas, sortearase unha cesta de Nadal entre tódolos socios/as e resolverase o gañador do Concurso Infantil de postais deste ano.

Estades convidados/as!!!

Aproveitamos para desexarvos a todos/as que pasedes unhas

¡¡¡FELICES FESTAS!!!

X Alcuentru pandeireta GZ-Asturies

2010-11-30T11:20:00.020Z

Sábado 27 de Novembro de 2010. Corcubión

10º Alcuentru de Pandeireta Gz-Asturies

2010-10-27T18:31:00.016+01:00

O vindeiro sábado 27 de novembro, Corcubión será o centro da música galega e asturiana tradicional. Da man do Colectivo TransEu e da nosa Asociación, a vila de San Marcos acollerá o 10º Alcuentru de pandeireta Gz-Asturies.

O Alcuentro naceu no 2005, entre un grupo de amantes da música tradicional á ribeira do río Eo. O Colectivo TransEu parte dun grupo de xente galega-asturiana que pretende unir as nosas semellantes
pero alonxadas culturas. Unha unión que se canaliza a través da música tradicional.

O Colectivo celebra 2 xuntanzas anuais, sendo en primavera nas terras veciñas, e polo outono en Galicia. Xa pasou o Encontro por vilas de A Estrada, Vigo ou Os Ancares. Este outono, toca na Costa da Morte. A cita será o vindeiro sábado 27 de novembro no Hotel-Restaurante As Hortensias de Corcubión.

Un encontro en 3 fases e con sorpresa

O Alcuentro constará de 3 fases. O recibimento será arredor das 20:30h, e de seguido comezará a cea de confraternización, a base de produtos da terra (empanada, mexilóns ó vapor, carne o caldeiro, tarta, viños, auga , refrescos e chupito).

Na segunda parte toca Concerto. E para iso chegarán o único grupo de pandereteiros homes de toda Asturias, chamados "Cantaruxare". Tamén estarán as mozas de "Bouba", que veñen do lugar da Pontragha, na parroquia de Numide, Tordoioa.

A seguinte parte é a Foliada. Será un auténtico todos contra todos na que de seguro participarán as nosas pandereteiras Millo Verde. A noite dará para moito....

Ademais, este ano haberá sorpresa. A festa contará coa participación dunhas pandereteiras moi especiais.

Poden reservar praza para este evento enviando un correo a xuntanzatranseu@gmail.com. O custe será de 20 € e 18€ para os socios.

COMEZA O NOVO CURSO: CLASES DE PANDEIRETA

2010-09-29T21:30:00.003+01:00

O curso escolar comezou, e na Universidade Popular de Corcubión non podía ser menos. Ao longo de todo o ano, sen descanso algún, as clases do Baile Nerio non tiveron tregua; pero o Grupo de Pandereteiras Millo Verde aínda que tiveron actuacións durante a primavera e verán as alumnas poideron desfrutar dunhas merecidas vacacións. Agora iso si, volven con forza e enerxías renovadas, e desta vez da man do mestre Guillerme Ignacio Costa, fundador no 1999 xunto con outros músicos do coñecido Grupo Folk Quempallou. Tres anos máis tarde entra a formar parte da Asociación de Música Tradicional O Tear de Llerena de Pontevedra, da que aínda forma parte e na que desenvolve unha labor de recolleita de música e baile tradicional por todo o país.
Dende o ano 2003 compaxina o oficio de mestre de música (actualmente, no CEIP "Praia de Quenxe" de Corcubión) co de mestre de pandeireta e canto tradicional en diversas asociacións e integrante dos dous grupos mencionados anteriormente (Quempallou e O Tear de Llerena). Ademais, atópase nun momento intenso no seu traballo de campo, pois é un dos asesores musicais do programa Alalá da CRTVG e está a levar a cabo labores de produción de diversos traballos discográficos de carácter etnográfico: Pandereteiras de Barro de Arén (Phonos 2006); O Ghaiteiro do Piñeiro, (Edicións do Cumio 2010).

A Universidade Popular convida desta volta a homes e mulleres que sintan a inquedanza do que é ter unha pandeireta entre as mans a participar nestas clases que comezan xa no mes de outubro. Para máis información contacta con nós no número de teléfono 630.406.555 ou escribíndo ao correo da asociacion: universidadecorcubion@hotmail.com

Lotaría de Nadal

2010-08-12T23:25:00.003+01:00

Sabemos que ainda queda moito para o Nadal, pero queremos que non quede ninguén sen o Gordiño da Lotaría, xa podedes mercar décimos no Kiosco Rosalía, Cacane, Suíza, San Martín, Sirena, Alborada, Pazo e no súper María Dolores. En breve teremos tamén participacións.

E cal é o número?

77.767

Mellor non podía sonar!

Conferencia: "Israel-Palestina, o conflito recrudecido"

2010-06-18T17:20:00.012+01:00

Fotos da Conferencia celebrada onte, Xoves 17 de Xuño, as 20:30 h na Casa da Cultura de Corcubión. Coa presenza de Mohamed Safa, da Organización para la liberacion de Palestina (OLP) e do Presidente da Fundación Araguaney, Ghaleb Jaber.

"Non falamos de bandeiras, falamos de dereitos".

"A guerra é o negocio da estratexia vital de Israel". Iso si, "eu creo que a Israel hai que vencelo coa paz".

Para escoitar toda a conferencia entra en: Blog RadioNeria: http://radioneria.blogspot.com/2010/06/escoita-conferencia-sobre-palestina-que.html

Máis información: http://quepasanacosta.com/content/view/9388/57/

Baile Nerio: 2º premio en Negreira

2010-06-15T17:21:00.013+01:00

O Baile Nerio volve triunfar en Negreira: Na Festa do Folclore 2010 que se celebrou este domingo pasado, e que foi organizada pola Sociedade Cultural e Folclórica Veiga do Cotón. O grupo de Corcubión acadou o 2º premio despois dos pequenos da "Asociación Xilbarbeira de Boiro".
En 3º lugar quedou: Ximiela de Louro.

Carlos Callón no Dia das Letras

2010-05-19T09:51:00.013+01:00

Día das Letras Galegas 2010

2010-05-04T15:21:00.009+01:00

O vindeiro Sábado 15 de maio ás 20:00 h. na Casa da Cultura de Corcubión celebraremos o Día das Letras Galegas cunha charla a cargo de Carlos Callón, presidente da Mesa pola Normalización Lingüística e portavoz da plataforma Queremos Galego, na que nos falará do decreto contra o galego e presentará o seu libro En castellano no hay problema.

Virá acompañado de Manuel Bragado, director da editorial Xerais.

XA ESTÁN A VOSA DISPOSICIÓN OS CARNÉS DESTE ANO

2010-04-21T10:56:00.005+01:00

Depois de deixar pasar a costa de xaneiro, e de estar recuperándonos (disque) un pouco da crise, pasamos ó cobro dos carnés de socios. Se realizas baile ou pandeireta, pregúntalle ós encargados do cobro das actividades, se non, calquera dos membros da directiva pode informarte!!
Un ano mais a cota segue a ser de 20€.

Grazas por seguir colaborando en que a Universidade Popular siga viva e traballando!!

RESULTADOS DA ASEMBLEA XERAL DO 2010

2010-04-11T01:52:00.001+01:00

Aprobados por unanimidade o seguinte:
1.-Acta anterior
2.-Contas do 2009
3.-Calendario de actividades de 2010
4.-Orzamentos de 2010
5.-Nova directiva, que queda constituída da seguinte maneira:
Presidente: Alfredo Manuel González López
Secretaria: Natalia Ferrol González
Tesoreiro: Diego Díaz Silva
Vicepresidenta: Dulce Canosa Trillo
Vogais: Isabel Soneira Leis
Xabier González López
Susana Trillo López
Ubaldo Cerqueiro García

CONVOCATORIA ASEMBLEA XERAL DO 2010

2010-03-25T12:27:00.001Z

En virtude das facultades que me confire o artigo 15 do Estatutos como presidente e representante legal da Asociación Cultural-pedagóxica Universidade Popular - Escola de Verao de Corcubión convócoo/a á ASEMBLEA XERAL ORDINARIA que terá lugar no Museo da Casa da Cultura, na Rúa Vicente Fraguela, nº 14; o 10 de abril de 2010, ás 20.00 horas en primeira convocatoria e, de ser o caso de que o quórum sexa menor que o 51% dos socios numerarios, ás 20.30 horas en segunda convocatoria, para debater e tomar acordos sobre os seguintes asuntos da orde do día:

Primeiro: apobación, se procede, da acta anterior.
Segundo: aprobación, se procede, das contas de tesourería do ano 2009.
Terceiro: presentación de candidaturas para a Xunta Directiva dos próximos dous anos.
Cuarto: elección da nova Xunta Directiva.
Quinto: aprobación do calendario de actividades para o ano 2010.
Sexto: Suxestións e preguntas.

Corcubión, 25 de marzo de 2010

O PRESIDENTE

Alfredo Manuel González López

Vindeira actuación

2010-03-15T16:22:00.009Z

Sábado 20 de Marzo:

O polideportivo de Cee acollerá a partir das 20:00 h o primeiro dos dous festivais que organiza a Asociación Neria para recadar fondos en beneficio dos damnificados polo terremoto de Haití.

Participan: o Baile Nerio e as Pandereteiras Millo Verde.
Máis información

I Premio Concurso da Ponte do Porto

2010-03-15T09:25:00.007Z

O grupo de Baile Nerio de Corcubión resultou gañador do 1º premio no II Concurso de baile tradicional en Ponte do Porto celebrado este domingo.
A Asociación Deportiva e Cultural Brens (Cee) quedou en segundo lugar, e A Reguleira, da ANPA do colexio de Carnota, en terceiro. Unha das condicións para concursar era que só se podían presentar pezas que non tiveran gañado noutras ocasións. Os premios están valorados en 530 euros: o primero, 250; o segundo, 180 e o terceiro, 100.
A agrupación de Corcubión interpretou "As tres muiñeiras", e as de Cee e Carnota presentaron "A xota de Breogán" e "A xota de Santía", respectivamente. Competiron tamén: o Grupo Churía, de Zas; a Agrupación Infantil Agrocogo, de Esteiro e o Grupo de Baile Abrochos, de Serantes.

Na prensa

2010-03-14T11:37:00.008Z

Imaxe: Diario de Bergantiños, 15 de marzo 2010

Máis novas:

http://www.lavozdegalicia.es/carballo/2010/03/15/0003_8356223.htm

http://www.camarinas.eu/sociedade-na-ponte/2-concurso-baile-tradicional-ponte-do-porto.html

http://quepasanacosta.com/content/view/8359/26/

QUEREMOS GALEGO COMEZARÁ A RECOLLER SINATURAS PARA EVIDENCIAR O APOIO SOCIAL Á INICIATIVA LEXISLATIVA POPULAR REXEITADA POLA MESA DO PARLAMENTO

2010-03-10T00:08:00.002Z

Mesa do Parlamento, que evidencia “a actitude prepotente dun Partido Popular que teima en non querer escoitar a sociedade”
Santiago de Compostela. 9 de marzo de 2010. A comisión xestora de Queremos Galego compareceu hoxe en conferencia de imprensa para, a través dun dos seus portavoces, Carlos Callón, anunciar as medidas legais e sociais a adoptar logo de a Mesa do Parlamento ter rexeitado por maioría a admisión a trámite da Iniciativa Lexislativa Popular impulsada nos últimos meses desde a plataforma. Esta iniciativa puxérase en andamento a través dunha comisión promotora da que fan parte nomes senlleiros en diferentes ámbitos da vida social e cultural do país, como Manuel Rivas, Avelino Pousa Antelo, Yolanda Castaño, Margarita Ledo, Xurxo Souto, Marica Campo, Kiko da Silva, Xosé Lois “O Carrabouxo” ou Sonia Lebedynski, entre outros.
Esta proposición de lei por iniciativa popular pretende garantir plenamente a posibilidade de uso do galego das e dos cidadáns perante a administración galega, desenvolvendo o estabelecido na Lei de Normalización Lingüística e na Carta europea de linguas minorizadas.
Para Queremos Galego a non admisión a trámite desta ILP é unha mostra máis “do medo que o Partido Popular ten a que a sociedade exprese de calquera maneira o seu apoio ao uso da lingua propia e oficial do noso País, mesmo utilizando e manipulando de xeito partidario institucións públicas como a Mesa do Parlamento e lexislación como a da Iniciativa lexislativa Popular para os seus fins”.
A plataforma cidadá lembra que o dereito á Iniciativa Lexislativa Popular é un dereito democrático básico recoñecido na Constitución española, “que vén de ser vulnerado”. A súa admisión a trámite non implica a súa aprobación, só marca o inicio dun período de recollida de sinaturas entre cidadás e cidadáns maiores idade e censuados en Galiza. Tras completarse o mínimo necesario (15.000), con todos os requisitos recollidos pola lei, motiva o seu debate parlamentario. Para a plataforma cidadá “é a este debate ao que ten pánico o Partido Popular, xa que evidenciaría que detrás do seu discurso o que se agochan son claras intencións de acabar coa lingua galega”. E recorda que “iniciativas anteriores foron tramitadas, sen lles seren aplicadas visións restritivas, con toda naturalidade, independentemente da súa aprobación final ou non”.
Queremos Galego anuncia que “non se dobregará ante esta manobra antidemocrática e autoritaria do Partido Popular”, que “aínda motiva máis” ás perto de 700 entidades que integran a plataforma a seguiren realizando accións de defensa da nosa lingua. Neste sentido, Queremos Galego anunciou que iniciará un proceso de recollida de sinaturas “exactamente baixo as mesmas condicións que se faría coa ILP”, que serán presentadas no Parlamento galego a todos os grupos.
Para dotar de garantías xurídicas e velar polo cumprimento da legalidade en todo o proceso, constituirase unha comisión xurídica formada por profesionais de diversos ámbitos do Dereito e a xustiza.
A plataforma cidadá chama ao pobo galego “a mobilizarse e non deixar pisar os seus dereitos lingüísticos e políticos”, duplamente vulnerados ao negárselle admisión a trámite parlamentar á iniciariva. Segundo Carlos Callón, “o PP terá que escoitar, quixer ou non, a voz do pobo”. E lembrou que este “xa reaccionou exemplarmante á política lingüicida do actual goberno a través das manifestacións máis grandes da historia democrática en defensa da nosa lingua e cultura”. O tamén presidente da Mesa pola Normalización Lingüística amosouse convencido de que a sociedade “volverá mobilizarse por múltiplas vías” se fai falta e anunciou a presentación dun calendario de “intensas actividades ao longo e largo de todo o país”.
Desde este momento Queremos Galego comezará a estudar a interposición dun recurso de amparo ante os tribunais competentes contra a decisión da Mesa do Parlamento, “co fin de restaurar en Galiza a normalidade democrática que o PP teima en facer desaparecer”.
TEXTO DA ILP EN:
http://sites.google.com/a/queremosgalego.org/queremos-galego/iniciativa-lexislativa-popular

MANIFESTO DÍA DA MULLER TRABALLADORA. 8 DE MARZO DE 2010

2010-03-05T00:17:00.001Z

A Universidade Popular de Corcubión únese un ano máis ás mulleres traballadoras no seu día, o 8 de marzo, coñecido como Día Internacional da Muller Traballadora ou Día da Muller.

A muller é un mundo aparte, ten un mundo propio no que as ansias de superación, traballo, cooperación, intelixencia, etc. fan que a muller aporte á sociedade o que ninguén é capaz de aportar.

Os últimos datos de desemprego son desalentadores para todos e todas, pero a muller segue a ser a perxudicada principal nestes tempos de crise. Os traballos son dificiles de conseguir, sabemolo todos, pero máis sendo muller, xa que conta ademáis cas cargas familiares impostas por esta sociedade machista.

Esiximos e reclamamos á sociedade un apoio unánime para chegar á unha igualdade, pero non efímera nin cara a galería, senón a unha igualdade real, na que a corresponsabilidade sexa un dos piares fundamentais de axuda para que a muller vaia incorporándose ao mercado laboral de forma progresiva e de maneira proporcional á da poboación masculina.

Dende a asociación desexamos que se tome conciencia da realidade, e que non queremos máis “tópicos típicos machistas”, gustaríanos acadar unha sociedade xusta con igualdade e benestar para todos e todas.

Día Internacional da Muller Traballadora. Día Internacional da Muller Traballadora.O luns, 8 de marzo ás oito da tarde na Praza "8 de marzo" de Cee actuará o Grupo de Pandereteiras "Millo Verde" da Universidade Popular de Corcubión grazas a invitación da Asociación Feminista Buserana de Cee. Con ista son xa dúas veces en que as nosas pandereteiras colaborarán coa asociación anfitriona para celebrar o Día Internacional da Muller Traballadora.

NON AO DECRETO CONTRA O GALEGO!

2010-01-20T20:26:00.002Z

Como participante nas actividades e manifestacións propostas pola Plataforma Queremos Galego, da que formamos parte informámosvos da nota de prensa da Plataforma:

A MANIFESTACIÓN CONVOCADA POR QUEREMOS CONTRA O RASCUÑO DE DECRETAZO CONTRA O GALEGO REMATARÁ NA PRAZA DO OBRADOIRO.

Santiago 20 de xaneiro de 2010. A plataforma cidadá Queremos Galego, decidíu modificar o percorrido da manifestación, inicialmente previsto con saída da Alameda cara San Caetano.
O motivo deste cambio está no forteincremento da participación que se agardaba desde a organización, así como na imposibilidade de situar unha megafonía e palco en San Caetano. A mobilización masiva que se producirá mañá aconsella ademais mudar o percorrido cara un lugar que ofreza mellores condicións para o desenvolvemento e a seguranza da manifestación, polo que finalmente o remate será na Praza do Obradoiro, mantendo o inicio na Alameda compostelana.
Xa que logo, o percorrido será o seguinte: 11.30 h. Saída da Alameda cara a Senra, Praza de Galiza, Doutor Teixeiro, Hórreo, Porta da Mámoa, Praza do Toural, Rúa Nova, Praza das Pratarías e Praza do Obradoiro.

Plataforma cidadá Queremos Galego

BO NADAL A TODOS/AS!!!!

2009-12-14T11:12:00.008Z

Este ano adiantámonos un pouco ao Nadal.
Este sábado 12 de decembro, a Casa da Cultura de Corcubión converteuse nun polvorín de sorrisos, alegrías e algunha que outra bágoa.
Ás 19.45 dou comezo o noso Festival de Nadal 2009, presentado por Natalia Ferrol e Alfredo Manuel González, onde o Grupo de Pandereteiras Millo Verde e o Grupo de Baile Nerio fixeron exhibición do aprendido durante este ano.
Playbacks dos rapaces e rapazas, sorteos de cestas de nadal entre os asistentes e socios (para agradecer a súa colaboración no presente ano) ou entrega dos premios do Concurso infantil de "Postais de Nadal" foron un dos eixos do festival.
Para lembrar queda a actuación de tres integrantes do Baile Nerio (Diego Díaz, mestre, Alejandro Lamas e Gustavo Mesías) emulando ás súas compañeiras de Grupo.
A directiva agradece o voso recibimento un ano máis, xa que unhas 200 persoas presenciaron o acto. Iso é o que nos anima a seguir traballando.

Lembrar tamén que ata o día 21 de decembro quedan participacións de lotería da Asociación cun custe de 5€ (xoga 4€ e 1€ de donativo) que podedes atopar no Kiosco Rosalía, Mercería Cacane ou preguntando a calquera membro da directiva.

¡¡¡FELICES FESTAS E BO NADAL!!!!

CONCURSO INFANTIL DE POSTAIS DE NADAL

2009-12-04T23:19:00.004Z

- Presentación das postais: O prazo máximo de presentación será o día 11 de decembro. A entrega poderá facerse na Mercería Cacane, Kiosco Rosalía ou a calquera membro da Directiva da asociación.
- As postais deberán levar escrito o título e un pseudónimo na parte traseira. Estarán feitas en cartulina de tamaño DIN A-5 (medio folio) e poderán estar decoradas como conveña (purpurinas ou outros elementos)
- Deberán entregarse dentro dun sobre pechado no que acompañando á postal irá outro sobre, en cuxo interior irá o NOME, APELIDOS, IDADE e TELÉFONO.
- Aquela obra que presente algunha inscrición que poida identificar á/ó concursante será descalificada.
- Xurado: Directiva da Universidade Popular de Corcubión e un/unha socio/a elixido/a ao azar.

-Haberá un premio por categoría
-De 3 a 6 anos
-De 7 a 12 anos

- Nomeamento do/a gañador/a e entrega de premios: sábado 12 de decembro no “Festival de Nadal da Universidade Popular” na Casa da Cultura de Corcubión.

-Organiza: Asoc.Universidade Popular de Corcubión

-Colabora: Mercería Cacane e Kiosco Rosalía<

RETOMAMOS A CAMPAÑA A PROL DO GALEGO!!!

2009-11-25T16:23:00.005Z

Tras esperar á segunda fornada da segunda parte do Cancioneiro Popular de Corcubión xa o temos nas nosas mans!! Desta vez o cancioneiro non ven só, senón que para a promoción do noso idioma, da nosa lingua nai contamos desta vez con outro apoio loxístico: posters e pegatinas deseñadas principalmente para seguir coa campaña "Goza en Galego, Goza do Galego" promovida pola Asociación e apoiada pola Secretaría Xeral de Política Lingüística da Consellería de Educación e ordenación Universitaria da Xunta de Galicia. O primeiro paso que demos foi a entrega de exemplares dos cancioneiros editados para a BPM de Corcubión e á biblioteca do colexio público da nosa vila, o CEIP Praia de Quenxe. Isto será o principio do reparto que queremos levar a cabo, xa que en vindeiros días, queremos que a través da ANPA do colexio e a dirección do mesmo se fagan chegar aos nenos e nenas do colexio, así como ao profesorado. Bibliotecas públicas, colexios e institutos serán beneficiarios desta campaña, así como asociacións con actividade relacionada coa nosa. Facemos un chamamento aos colexios, institutos e bibliotecas que estean interesados en ter esta publicación que o fagan saber a través do noso correo electrónico: universidadecorcubion@hotmail.com, e nos poñeremos en contacto con eles para concretar o día da entrega, tanto dos cancioneiros como dos posters a prol do galego.

25 DE NOVEMBRO: DÍA INTERNACIONAL CONTRA A VIOLENCIA DE XÉNERO

2009-11-24T21:14:00.008Z

Manifesto da Universidade Popular:

O 25 de novembro é para nós unha data que non queremos deixar de recordar, unha oportunidade para poñer de manifesto, ano tras ano, día tras día e grazas a unión de voces da sociedade, a oposición á violencia de xénero; xa que a violencia de xénero non é problema de ámbito privado, senón que afecta á sociedade en xeral.
Non se pode permitir unha desigualdade inxustificada, os longos silencios, as resignacións, ocultar o mundo gris ou o duro inferno tras un sorriso... A sociedade non debe tolerar as discriminación, e menos aínda as deste calibre. As agresións deben perder sempre a partida, non deben contar con apoios inxustificados, non se pode permitir.

A sociedade en xeral, e particularmente asociacións e administracións públicas deben facer todo o que estea nas súas mans para subsanar os déficits existentes, tanto legais como sociais, para que pouco a pouco todo se converta somentes nun soño cumprido. Somos conscientes de que ás veces é moi complicado facelo, pero hai que denunciar, a pasividade e o mutismo a peor actitude que podemos tomar, porque así estamos a dar pasos atrás.
A educación é a base para eliminar todos os males e está nas nosas mans conseguir que as nosas fillas e fillos sexan educados en valores de igualdade e de diálogo, axudando así a evitar este mal.
Deixemos que a muller desfrute dos seus dereitos e liberdades por igual, xa que nesta sociedade os valores da liberdade e da igualdade deben prevalecer.

Todos vivimos grazas a ELAS, fagamos que elas vivan como se merecen!

http://www.vieiros.com/nova/77359/solta-de-globos-poemas-filmes-contra-a-violencia-machista

http://www.lavozdegalicia.es/carballo/2009/11/25/0003_8130099.htm

"GOZA EN GALEGO, GOZA DO GALEGO", QUEREMOS GALEGO!

2009-10-16T00:20:00.001+01:00

Fai uns meses a Universidade Popular de Corcubión poñía en marcha a primeira parte da campaña a prol do galego “Goza en Galego, Goza do Galego” co reparto dunhas mochilas co eslogan aos alumnos e alumnas do CEIP Praia de Quenxe, xunto co cancioneiro que xa vai camiño de cumprir un ano dende a súa edición. Tal e como recollen os estatutos da asociación un dos obxectivos principais é a recuperación cultural galega, o que inevitablemente inclúe o noso idioma, o galego; de tal modo que o seguinte paso a tomar na tarefa de defensa do galego foi a adhesión á plataforma cidadá recentemente constituída e chamada QUEREMOS GALEGO, plataforma conformada por numerosas entidades e persoas co obxectivo de defender e afirmar os usos e dereitos lingüísticos garantidos pola lexislación actual.
Nun curto periodo de tempo recuperaremos a campaña a prol do noso idioma co reparto de material diverso como pegatinas, pósters, trípticos divulgativos e a presentación e reparto dos cancioneiros editados pola asociación; o xa comentado anteriormente e o que xa so falta a súa impresión, o xa “II Cancioneiro Popular de Corcubión”; entre os colexios da zona, asociacións coas que teñamos algún tipo de vínculo, socias/os e veciñas/as de Corcubión.
Animamos a que o domingo 18 de outubro tomedes o coche ou os autobuses que a plataforma pon ao voso dispor para desplazarvos ate a Alameda de Santiago de Compostela ás 12.00 horas, lugar de onde partirá unha concentración cidadá para a defensa do noso idioma e poidamos gritar todos xuntos Queremos Galego!

Sábado 26 de Setembro. Casa da Cultura

2009-10-01T11:57:00.010+01:00

LOTARÍA DE NADAL

2009-09-28T17:57:00.003+01:00

COMEZA UN NOVO CURSO

2009-09-17T12:03:00.008+01:00

CLASES DE PANDEIRETA:

COMEZO: VENRES 02 DE OUTUBRO ÁS 20:00 H. NO LOCAL DA ASOCIACIÓN.

CLASES DE BAILE:

GRUPOS:
DE 3-12 ANOS
DE 12-18 ANOS
DE 18 ANOS EN DIANTE

A partir do mes de Outubro, tódolos Sábados: de 15:30 a 18:00 h na Casa da Cultura de Corcubión.

Organiza: Universidade Popular-Escola de Verao de Corcubión.

IV Festa do Porco Celta

2009-08-10T10:28:00.001+01:00

IX MERCADO MEDIEVAL

2009-07-30T09:28:00.010+01:00

Os membros do Baile Nerio tamén disfrutaron do "IX Mercado Medieval Costa da Morte" animando aos visitantes con algún que outro baile improvisado. Aquí podedes ver en plena acción a: Merchi Mouzo, Javi Trillo e Diego Díaz (mestre).

http://www.lavozdegalicia.es/carballo/2009/07/27/
0003_7871787.htm

Festival de Brens: 20 de xuño 2009

2009-06-23T19:15:00.010+01:00

CAMPAÑA GOZA DO GALEGO, MÓVETE EN GALEGO

2009-06-19T23:29:00.003+01:00

A asociación cultural-pedagóxica Universidade Popular de Corcubión sumouse a festa de fin de curso do colexio público Praia de Quenxe de Corcubión. Comenzou coa presentación e o saúdo do director do centro, que deu paso á secretaria da asociación (Dulce Canosa) para facer entrega dun agasallo aos alumnos, consistente nunha mochila co lema Goza do galego, móvete en galego, que contiña un cancioneiro editado pola propia asociación, uns contos para os máis pequechos, un bolígrafo e unhas chucherías.
A Universidade Popular de Corcubión mostra deste xeito o seu apoio a ensinanza pública e a ANPA así como a defensa á lingua propia, que tan importante consideramos. Tras a entrega de agasallos, a festa continuou con actuacións, hinchables e, por suposto, unha merenda para todos e todas os/as asistentes.

MANIFESTO A PROL DA LINGUA GALEGA:

A Universidade Popular de Corcubión pon en coñecemento a todos os socios, medios de comunicacións, veciños e asociacións do seu posicionamento sobre o estado da lingua galega neste momento.
Poñemos en marcha dende esta semana a campaña “Goza do galego, móvete en galego”, dita campaña consistirá en divulgar entre todos os sectores a lingua galega, comezando o venres 19 de xuño coa entrega dunhas bolsas de tela co eslogan da campaña, nas que irán un Cancioneiro Popular de Corcubión e bolígrafos, que serán repartidos áS/ós alumnas/os do CEIP Praia de Quenxe de Corcubión, dando así tamén o apoio preciso ao colexio do pobo, que agora mesmo atópase en momentos de incertidume.
Cremos que cada un ten dereito a que a súa lingua propia sexa oficial en todo o territorio, polo tanto o galego debe desfrutar dun “status” legal en Galicia tal e como desfruta o castelán no resto de España. No noso territorio o galego aínda segue a correr perigo, así que pensamos que o castelán non corre tal perigo, cousa que seguen afirmando asociacións “lingüísticas” unha e outra vez e algunha que outra administración pública galega. A igualdade ten que chegar dende a aceptación, por parte de quen a nega, de que existen dúas linguas difernetes e non se pode negar a convivencia entre as dúas.
Non se recorda ate o de agora un conflicto lingüístico como o que estamos a vivir, polo tanto o apoio desta asociación á conservación e defensa do idioma de galicia é firme e sen excepción algunha.

MILLO VERDE

2009-06-10T14:54:00.000+01:00

Tiqqun: La insurrección que llega

2009-06-08T17:36:00.010+01:00

Por Ignacio Castro:

"La insurrección que llega no deja de aclarar hacia dónde van –o iban- Coupat y sus amigos. El libro presenta una descripción despiadada de nuestra democracia real, nuestra civilizada neutralidad. Particularmente, el “Círculo” dedicado a la ecología resulta demoledor, asombroso por su coraje y lucidez.
En general, todas las partes rozan un aceramiento crítico extraño, como de otro mundo. Los problemas vienen, probablemente, en la parte final del libro dedicado a las propuestas, a “cómo hacer”, digamos. Ahí el texto naufraga, roza lo pueril aquí, lo sectario-iluminado allá… entrando en dimensiones jurídico-penales preocupantes, tanto en Francia como en China.
Es como si no les quedase ya ninguna relación nietzscheana con el reposo, con el anonimato, con la inacción, con esa revolución del simple estar-ahí de las cosas. Inmediatez existencial que, desde el Bloom, utilizan bien como referencia de fondo para el análisis, pero que no quieren “sustantivar” filosóficamente después –como sí hacen Agamben, Baudrillard y Deleuze, de tres maneras distintas-, por eso pasan a esa forzada sustantivización histórico-política. En este aspecto, a pesar de lo soberbio del análisis –o justamente por él- queda mucha vida fuera, que diría Marcos Lorenzo. O simplemente la Vida. Es como si el hegelianismo furioso de los libros anteriores ganase finalmente la partida y ellos quedasen sin ninguna Serenidad, ninguna fe en el milagro de la singularidad, ninguna ironía socrático-estoica para una vida que ya es épica e “insurreccional” sin necesidad de ninguna revolución que tome una forma visiblemente histórica.
¿Lo cómico-grupuscular ha triunfado también a través de ellos? Acaso son “asquerosamente occidentales”.
Pero el libro es alucinógeno, absolutamente iluminador en lo que tiene de visión desesperanzada, de travelling tragicómico por nuestra era. Aunque después “no se pudiera hacer nada”, después de ese barrido de cámara el mundo ya no es el mismo, nunca será el mismo, y nosotros tampoco. Pero, ¿alguna vez el mundo fue el mismo, nosotros fuimos los mismos?
En fin, todo esto, y más cosas, es lo que se podría discutir algún día, alguna noche de verano. ¿No es eso? Hablamos pronto del cómo."
Ignacio Castro Rey

O blog dos Seminarios: http://quepasanacosta.com/tiqqun/

Imaxe: http://quepasanacosta.com/

Qué bo comezo do verán!!

2009-06-01T18:20:00.020+01:00

A Sociedade Cultural e Folclórica Veiga do Cotón organizou a

"XVII Edición do Dia da Muiñeira de Negreira" que se celebrou este sábado 30 de maio na citada vila.

Contouse con máis de 300 participantes que desfilaron polas rúas da vila ata a praza do Concello, lugar da celebración.

Trátase dun certame que dende hai trece anos vai ligado ao seu concurso folclórico no que participan distintas agrupacións procedentes de toda a provincia. O Dia da Muñeira de Negreira conta co apoio do Concello, así como coa colaboración de casas comerciais da vila, a firma Begano S.A., e a Deputación da Coruña.

Achegáronse moitas agrupacións convidadas dende as Cartes (Cantabria), Mieres (Asturias) ou, entre outras, Aveiro e Coímbra (Portugal). En Negreira tamén estivemos nós, o BAILE NERIO de Corcubión, dirixido por Diego Díaz Silva; que se fixo co 1º Premio do concurso. Nin máis nin menos.

Unha gran actuación e un premio que compensa todo o traballo que hai detrás.

Na foto: Merchi, Raquel, Laura, Fany, Alicia, Alba, Tania .

Oskar, Javi, Diego, Gus e Jan.

¡¡Noraboa rapaces!!

http://www.concellodenegreira.es/index.php?option=com_content&task=view&id=654&Itemid=302

Remata o II Maio Solidario

2009-05-31T22:48:00.010+01:00

Galu Teranga no Maio Solidario de Corcubión from quepasanacosta on Vimeo.

"Galiza no Foro Social Mundial"

2009-05-26T18:07:00.005+01:00

Dia: Venres 29 de Maio
Hora: 20:00
Lugar: Cárcere Vello de Corcubión
Clausura as xornadas do II Maio Solidario, Xosé Manuel Beiras coa ponencia: "Galiza no Foro Social Mundial".

E continúa aberta a Exposición "Onde as rúas non teñen nome. Unha mirada etonoarqueológica ao pobo Gumuz (Etiopía)", ata o 31 de xullo. Ademais, o vindeiro 1 de xullo, chegará a Corcubión a segunda metade da exposición, que este mes está no Museo Arqueolóxico e Histórico da Coruña, no Castelo de San Antón.

CICLOBIBLIOTECA, GALU TERANGA E MOITO MÁIS

2009-05-25T11:41:00.017+01:00

A xornada deste venres pasado comezou cos contos de Anxo Moure para os máis pequenos, que pola tarde presentaría unha ONG, Bicis pola paz. Logo da presentación da entidade, un percorrido en bici entre Corcubión e Cee ao que se sumaron cerca de 40 ciclistas.
Máis tarde Xurxo Ayán e Sonia García, membros do Laboratorio de Patrimonio do CSIC, presentaron a exposición "Onde as rúas non teñen nome. Unha mirada etnoarqueolóxica ao pobo Gumuz (Etiopía) ". A mostra estará aberta ó público no Cárcere Vello ata o 31 de xullo. Xurxo Ayán falou tamén do seu traballo na Misión Arqueolóxica española no Nilo en 2006 na poboación Gumuz, amosándonos as semellanzas desa etnia coa vida galega tradicional de hai 50 anos"

O sábado pola tarde rematou o curso de formación do profesorado "A prevención do sobreesforzo vogal". A última xornada celebrouse no Cárcere vello, de 16:00 a 19:00 h.

E pola noite, os asistentes disfrutaron dun concerto do grupo de percusión Galu Teranga, formado meirandemente por senegaleses residentes na Coruña, da ONG Eqqus Zebra,

enmarcado dentro dunha especial "festa africana".

Outros enlaces:

http://quepasanacosta.com/content/view/5492/26/

http://www.ciclobiblioteca.blogspot.com/

http://www.contosolidarios.org/prensa_bicitaxi.htm

http://www.csic.es/index.do

http://www.equuszebra.es/

Este venres 22 no Cárcere vello

2009-05-22T00:22:00.002+01:00

Moita Actividade no que vai de MAIO.....

2009-05-12T09:44:00.061+01:00

TIQUUN

II MAIO SOLIDARIO

XXIII DIA DA MUIÑEIRA

Aquí tedes documento gráfico das nosas Actividades durante este mes de Maio.
Si queredes seguir disfrutando delas, vos informamos que continúa o

II Maio Solidario:

Logo da Xornada de Consumo Responsable (Zocaminhoca e Cooperativa de Agricultura Ecolóxica Raíña Lupa) e de escoitar a Luzia Oca: "Cabo Verde", coa proxección do documental "Outro paralelo 43" (Roberto Moniño Leis e Álvaro de Castro) , este Venres 15 de Maio tedes outra cita no Cárcere Vello ás 20:00 h para disfrutar da charla "A Escravitude Infantil en África", co reporteiro de RTVE : Xaquín López, autor do libro "Las fronteras se cruzan de noche", sobre a escravitude infantil no Golfo de Guinea.

Lembrade que as fins de semana deste mes tamén podedes pasar polo Cárcere a mercar productos de Comercio Xusto.

Entrevista a Serxio Iglesias:

http://www.lavozdegalicia.es/carballo/2009/05/02/0003_7690184.htm

O Dia 1 de Maio estivo o noso BAILE NERIO en Cee participando no "XXIII Dia da Muiñeira", que organiza tódolos anos a Asociación Cultural Terra de Sena. Os nosos, recibiron moitas felicitacións pola súa boa actuación. En total, uns 600 bailaríns chegados de: Oleiros, Laxe, Betanzos, Fisterra, Brens (Cee), O Burgo, Negreira, Corcubión e Mazaricos, entre outros.
O máis importante foi que disfrutaron todos moito. Os pequenos, moi emocionados por actuar na rúa e, ademáis, ó lado dos maiores, a quenes tentaban imitar.

Continúa tamén o Seminario de Filosofía da Costa da Morte, da man de Javier Turnes e Serxio Iglesias.
A terceira xornada celebrouse esta semana no Cárcere Vello, cun minucioso repaso ao libro "Introdución á Guerra Civil" por parte do antropólogo Marcos Lorenzo, que foi o encargado de presentar a súa visión e dar paso a un debate creativo e destrutivo por igual.

Blog dos Seminarios:

http://quepasanacosta.com/tiqqun/

Os sábados, de 11:00 a 14:00 é o dia que se celebran os Seminarios de Filosofía. Ata o de agora, na Casa da Cultura, e que esta semana pasada trasladouse ao Cárcere Vello para aproveitar o escenario e recursos do II Maio Solidario.

Entrevista a Javier Turnes:
http://www.lavozdegalicia.es/carballo/2009/04/16/0003_7654676.htm

ESCOLA DE VERAO: Os nosos cursos de formación do profesorado tamén continúan. Neste Mes de Maio estase a celebrar o:

"CURSO DE PREVENCIÓN DO SOBREESFORZO VOGAL" impartido por:
Susana Trillo López e Ángeles Pérez Rey e dirixido a mestras/es de educación infantil, primaria, secundaria, bacharelato e especial.
Homologable por 10 horas pola Consellería de Educación e Ordenación Universitaria (Xunta de Galicia).
Horario:
Os sábados 9, 16 e 23 de maio; de 16:00 a 19:30 h na sala de exposicións da Casa da Cultura de Corcubión.

Seguide disfrutando das actividades da
Universidade Popular-Escola de Verao de Corcubión.

O noso agradecemento pola vosa participación e colaboración.

A DIRECTIVA.

O QUE NOS DEPARA O MAIO SOLIDARIO ESTA SEMANA

2009-05-05T20:57:00.002+01:00

O venres, 8 de maio terá lugar no Cárcere Vello de Corcubión a conferencia de LUZIA OCA GONZÁLEZ. Luzía é antropóloga e profesora nas licenciaturas de antropoloxía aplicada ao desenvolvemento e servizo social na universidade de Trás-os-Monntes e Alto Douro. Cabe destacar que tamén está inmersa nos movementos asociativos, xa que é vicepresidenta da Asociación para a Cooperación con Cabo Verde.

Actualmente está a elaborar a tese de doutoramento sobre "O Proceso de integración da comunidade caboverdiana residente en Galiza".

Á súa vez conta con bibliografía propia como a publicada no 2004 :“Evolução da comunidade cabo-verdiana residente no Litoral Lugués”, in Verdugo Matés, R. & Lois González, R. (eds), As migracións en Galiza e Portugal. Contributos desde as Ciencias Sociais, Santiago de Compostela, Edicións Candela. No 2005 publicou tamén: La dialéctica de la inclusión versus exclusión de l@s inmigrantes: Retórica y realidad, in SANTOS REGO, M (ed): “Estudios sobre flujos migratorios en perspectiva educativa y cultural”. Granada: Grupo Editorial Universitario e Modelos de integraçom social de imigrantes na Galiza: O exemplo da comunidade cabo-verdiana da Marinha. In Actas das Xornadas “Cinema e imigração”, organizadas pelo IDEGA. Edita: Servizo de Publicacións da USC.

Xa está aquí o II Maio Solidario

2009-04-22T16:08:00.007+01:00

Por segundo ano consecutivo tedes unha cita ca solidariedade en Corcubión, este ano, no Cárcere Vello.

Non faltedes!

Programa do II MAIO SOLIDARIO

2009-04-21T16:22:00.001+01:00

II Sesión do Seminario de Filosofía Tiqqun

2009-04-20T10:14:00.010+01:00

Este sábado 18 de Abril celebrouse a segunda xornada do "Seminario de Filosofía da Costa da Morte" na Casa da Cultura de Corcubión, en horario de 11:00 a 14:00 h.

O filósofo Miguel Ángel Quintanar presentou a súa visión sobre o movemento e mostrou as súa análise sobre o libro "Teoría del Bloom".

Podedes atopar esta presentación aquí, no Blog do Seminario Tiqqun: http://quepasanacosta.com/tiqqun/

"Entendemos o ‘bloom’ como a figura final da metafísica occidental, metafísica pola que o cidadán ten devido consumidor. Sen sangue, sen potencia vital, sen o heroísmo da decisión. O bloom é unha palpitación sen paixón. Unha néboa que constitúe o eixo da subxectividade.Bloom é o fillo catastrófico de todo o que a cultura occidental ten feito: encarna o desencantamento da existencia individual.Sen identidade. Sen historia. Sen humanidade.Dende o espectáculo, o bloom é invitado constantemente a ser alguén.Dende o biopoder, supón a constatación da penetración nanotecnolóxica do poder occidental na carne dos (in)dividuos. A condea da existencia de cadaquén á marxinalidade. Toda outra identidade é integrada ó precio de perder a propia alma. O individuo devén dividual. Xa perdiu toda relación con seu genius
Todas as situacións nas que nos atopamos comprometidos levan por igual o selo infinitamente repetido dun irrevocable “como si”. Colaboramos no mantemento dunha “sociedade” como si non perteneceramos a ela, concebimos o mundo como si nós mesmos non ocuparamos nel unha posición determinada, e continuamos envellecendo como si deberamos seguir sendo sempre novos. En poucas palabras: vivimos como si xa estiveramos mortos.
(Tiqqun, Teoría del Bloom, 24.)"

A seguinte Xornada celebrarase O DIA 9 DE MAIO, de 11:00 a 13:30, adicada ó Libro: "Introduccion a la guerra civil I", Tiqqun.

Ponente: Marcos Lorenzo (Antropólogo e Economista)

Prensa:

http://www.elpais.com/articulo/Galicia/disidencia/Corcubion/elpepiautgal/20090403elpgal_20/Tes

http://www.lavozdegalicia.es/carballo/2009/03/15/0003_7591893.htm

http://quepasanacosta.com/content/view/5139/57/

Aproxímase o II Maio Solidario

2009-04-14T12:14:00.005+01:00

Xa está case pechada a programación do II Maio Solidario.Un adianto: dará comezo o venres 1 de maio as 19:00 h. no Cárcere Vello. Este ano teremos comercio xusto, exposición fotográfica, conferencias,...

Non volo podedes perder!

CURSOS DE FORMACIÓN DO PROFESORADO

2009-03-24T16:57:00.006Z

CURSO DE PREVENCIÓN DO SOBREESFORZO VOGAL

-Número de prazas totais ofertadas: 35
-Número de prazas cubertas: 25
-Porcentaxe de prazas cubertas: 71%

DATOS QUE SE PRECISAN PARA A INSCRICIÓN
-NOME E APELIDOS
-NRP
-DNI
-TÍTULO
-ACTIVIDADE NA QUE SE PARTICIPA
-CENTRO DE TRABALLO
-DIRECCIÓN POSTAL
-MÓBIL
-CORREO ELECTRÓNICOCORREO DA XUNTA(EDU.XUNTA.ES

USOS DIDÁCTICOS DO ENCERADO DIXITAL INTERACTIVO (EDI): PECHADO

-Número de prazas totais ofertadas:25
-Número de prazas cubertas:25
-Porcentaxe de prazas cubertas: 100%

Seminario de Filosofía Tiqqun

2009-03-14T14:44:00.006Z

Gran participación na primeira xornada do "Seminario de Filosofía Tiqqun" celebrado hoxe na Casa da Cultura de Corcubión, de 11:00 a 13:30 h.

Seminarios filosóficos da man de Javier Turnes e Serxio Iglesias, co apoio da Facultade de Filosofía da USC, Sogafi e tamén da Universidade Popular de Corcubión.

Tedes máis información, si clicades co rato no cartel que está á dereita da páxina.

A seguinte sesión se celebrará o Sábado 18 de abril.

(Foto cedida por Ubaldo Cerqueiro: http://www.quepasanacosta.com/)

A nova na prensa: http://www.lavozdegalicia.es/carballo/2009/03/15/0003_7591893.htm

PARTICIPACIÓN NOS CURSOS

2009-03-12T22:52:00.005Z

Informamos sobre o número de prazas vacantes nos dous cursos nos que está aberta a matrícula; cabe destacar que desta vez existe menos demora que nos cursos da Escola de Verán´08, polo que a xente que esté pendente de enviar algún dato que o faga, xa que os que non enviaron todos os datos que se solicitaban cando pediron información non contabilizan na seguinte información:

CURSO DE PREVENCIÓN DO SOBREESFORZO VOGAL

-Número de prazas totais ofertadas: 35
-Número de prazas cubertas: 15
-Porcentaxe de prazas cubertas: 42,85%

USOS DIDÁCTICOS DO ENCERADO DIXITAL INTERACTIVO (EDI)

-Número de prazas totais ofertadas:25
-Número de prazas cubertas:15
-Porcentaxe de prazas cubertas: 60%

Tentaremos de seguir informando do estado das matrículas

DATOS PRECISOS PARA A MATRÍCULA:

NOME E APELIDOS
NRP
DNI
TÍTULO
ACTIVIDADE NA QUE SE PARTICIPA
CENTRO DE TRABALLO
DIRECCIÓN POSTAL
MÓBIL
CORREO ELECTRÓNICO
CORREO DA XUNTA(EDU.XUNTA.ES)

CURSOS HOMOLOGADOS DE FORMACIÓN DO PROFESORADO: “USOS DIDÁCTICOS DO ENCERADO DIXITAL INTERACTIVO (EDI)”

2009-03-09T22:05:00.002Z

Aula de Informática do CEIP Eugenio López
28 de abril de 2009 de 18:00 - 20:00 h.
5, 7, 12 e 14 de maio de 2009 de 18:00 – 20:30 h.

Relatora:
María del Rosario Vázquez Freire

Custo da matrícula:
Non socios/as: 35€
Socios/as: 25€

Destinatarios: mestras/es de educación infantil, primaria, secundaria, bacharelato e especial.
Período de inscrición: do 2 ao 31 de marzo en universidadecorcubion@hotmail.com
Período de pagamento: do 31 de marzo ao 7 de abril
Homologable por 12 horas pola Consellería de Educación e Ordenación Universitaria
Prazas: 25
Nota: Se alguén ten ordenador portátil pode traelo para traballar nel a materia.
Máis información: universidadecorcubion.blogspot.com
universidadecorcubion@hotmail.com
ORGANIZA:
ASOCIACIÓN UNIVERSIDADE POPULAR DE CORCUBIÓN
COLABORA:
CEIP EUGENIO LÓPEZ

Celebración do Día da Muller

2009-03-05T14:59:00.005Z

Día: Sábado, 7 de marzo de 2009

Lugar: Casa da Cultura de Corcubión

Hora: 19.00 horas

PROGRAMA:

-Grupo de Pandereteiras Millo Verde

(Universidade Popular de Corcubión)

-Grupo de Pandereteiras Nova Buxaina

(Centro Social de Corcubión)

-Grupo de Mulleres do Baile Nerio

(Universidade Popular de Corcubión)

-Lectura do Manifesto por unha directiva da Universidade Popular de Corcubión

-Lectura de poesías polas concelleiras dos grupos municipais do BNG, PP e PSOE

Organiza: Asociación Universidade Popular de Corcubión

CURSOS HOMOLOGADOS DE FORMACIÓN DO PROFESORADO

2009-02-25T21:45:00.002Z

CURSO: “PREVENCIÓN DO SOBREESFORZO VOGAL”

-Formación para mestras/es de educación infantil, primaria, secundaria, bacharelato e especial.
-Contidos teóricos e prácticos (técnicas de respiración, relaxación, articulación e impostación vogal)
-Datas de realización: sábados 9,16 e 23 de maio de 2.009
-Horario e lugar de realización:
Casa da Cultura de Corcubión:
- de 16.00- 19:30 horas o 9 e 16 de maio
- de 16.00-19:00 horas o 23 de maio
-Número de prazas: mínimo 20 e máximo 35
-Relatoras:
-Susana Trillo López
-Ángeles Pérez Rey
-Custo da matrícula:
-Non socios/as: 32€(Para facerse socio/a deben contactar coa asociación vía mail a: universidadecorcubion@hotmail.com)
-Socios/as: 22€
-Periodo de inscrición: dende o 20 de febreiro ao 17 de abril
-Periodo de pagamento: dende o 20 de abril ao 24 de abril
-Homologable por 10 horas pola Consellería de Educación e Ordenación Universitaria
Máis información: universidadecorcubion.blogspot.commailto:universidadecorcubion.blogspot.comuniversidadecorcubion@hotmail.com

ORGANIZA: ASOCIACIÓN UNIVERSIDADE POPULAR DE CORCUBIÓN

ASEMBLEA XERAL.- RESULTADOS

2009-02-15T22:11:00.004Z

O sábado 14 de febreiro tivo lugar na Casa da cultura de Corcubión en segunda convocatoria a I Asemble Xeral de Socios/as da Asociación. As contas do 2008 e os orzamentos para o 2009 foron aprobados por unanimidade polos/as socios/as asistintes. O terceiro punto do día era o de suxestións e preguntas, que foi aproveitado por unha banda pola directiva para explicar o que se levará a cabo durante os 11 meses restantes de ano, e por outro lado, as/os socias/os fixeron preguntas sobre os orzamentos, datas de realización de actividades e mesmo suxereriron novas actividades que se poderían levar a cabo, cousa que dende a directiva, agradecemos; o que queremos é que os/as socios/as participen nas batallas de ideas así como na hora de organizar diferentes actividades.

CONVOCATORIA DA ASEMBLEA XERAL ORDINARIA

2009-02-03T22:14:00.003Z

En virtude das facultades que me confire o artigo 15 do Estatutos da Asociación Cultural-pedagóxica Universidade Popular - Escola de Verao de Corcubión convócoo/a á ASEMBLEA XERAL ORDINARIA que terá lugar no Museo da Casa da Cultura, na Rúa Vicente Fraguela, nº 14; o 14 de febreiro de 2009, ás 19.00 horas en primeira convocatoria e, de ser o caso de que o quórum sexa menor que o 51% dos socios numerarios, ás 19.30 horas en segunda convocatoria, para debater e tomar acordos sobre os seguintes asuntos da orde do día:

Primeiro: aprobación, se procede, das contas de tesourería do ano 2008

Segundo: aprobación dos orzamentos para o ano 2009

Terceiro: Suxestións e preguntas.

Corcubión, 25 de xaneiro de 2009

O PRESIDENTE

Alfredo Manuel González López

SEMINARIO DE FILOSOFÍA:Tiqqun

2009-01-28T19:25:00.002Z

A Universidade Popular de Corcubión colabora coa Sociedade Galega de Filosofía e a Facultade de Filosofía da USC na organización deste Seminario de Filosofía que se desenvolverá en Corcubión un sábado ao mes entre marzo e xuño.
O Seminario xirará en torno a Tiqqun, centrándose nas ideas dos seus libros.
Como moitos de vós xa sabedes, hai dous libros extranos, difíciles, visionarios, "un pouco" sombríos: Teoría del Bloom e Introducción a la guerra civil. Os dous firmados polo "medio" anónimo Tiqqun na editorial Melusina.
Os ‘membros’ de Tiqqun, que pensan como bárbaros interiores, non son rusos nin árabes, senón dos nosos, franceses ou italianos -poucos o saben- e falan o noso idioma. Son cultos, citan a Benjamin, a Walser y a Kafka. E sen embargo, o que din non deixará de alterar os nosos ouvídos, pois volven o noso pasado contra esta cultura do presente e descobren unha temporalidade oculta na nosa historia que nos fai aberrantes.
Teñen a ousadía e o descaro de ignorar que a Democracia se ten convertido na relixión verdadeira.

Serán catro sesións, adicando dúas a cada libro. A idea é que un relator faga unha pequena presentación da súa lectura da parte correspondente a cada sesión e a partir de aí debería xurdir o debate.
Os seminarios están abertos a todo aquel que desexe asistir, as únicas condicións son ter lido os libros (que podedes pedir on line na propia editorial sen gastos de envío: 10 € cada un) e pagar a cuota de 20 euros (agás estudantes).
Para inscribirse ou recibir máis información, podedes poñervos en contacto co coordinador da actividade, Javier Turnes, no seguinte mail: javi.turnes@gmail.com.

DATAS E LUGARES:

sábado 14 marzo: Teoría do Bloom I. Ignacio Castro. Profesor de Filosofía (Madrid).

sábado 18 abril: Teoría do Bloom II. Miguel A. Quintanar. Profesor de Filosofía (Lugo).

sábado 9 maio: Introdución á guerra civil I. Marcos Lorenzo. Antropólogo e economista (Santiago).

sábado 5 xuño: Introdución á guerra civil II. Javier Turnes. Profesor de Filosofía (Cee).

Horario: de 11:00 a 13:30
Lugar: Casa da Cultura de Corcubión

Coordinación e inscrición: Javier Turnes(javi.turnes@gmail.com)

FELIZ 2009!

2009-01-13T16:46:00.005Z

Un novo ano comeza, e con el, máis baile, pandeireta, charlas, solidariedade, cantigas...

Informarvos que os carnés deste ano xa están disponibles, así que, cando queirades podedes preguntar ós membros da directiva ou no Kiosco Rosalía polo voso. A cuota anual segue a ser a mesma!

Se ainda non eres socio/a e estás interesado/a diríxete a nós por teléfono, e-mail, blog...

REMATA O 2008

2008-12-18T13:25:00.004Z

Pequeno percorrido en imaxes, do noso traballo durante este ano que é voso tamén, porque sin a vosa axuda non sería posible.

Grazas a todos/as que colaborástedes con nós, aos nosos socios/as e aos que de maneira desinteresada estades sempre para botarnos unha man.

Tentaremos ir mellorando no ano que vai comezar.

Que pasedes unhas BO NADAL e un FELIZ 2009!!

A Directiva.

2008-12-18T10:42:00.027Z

CANCIONEIRO POPULAR DE CORCUBIÓN

2008-12-17T10:49:00.005Z

Foto portada do Cancioneiro (cedida por: "Cantigas da Terra")

Xa temos editado o noso "Cancioneiro Popular". Nun formato cómodo si o queres levar e compartir en todo tipo de festas e romarías.

Si xa eres Socio da Asociación, pregunta a calquera dos membros da Directiva para conseguir o teu de maneira gratuíta.

Para os demáis, o seu prezo é de 1,50.

Para máis información, escríbenos: universidadecorcubion@hotmail.com

OBRADOIROS DE NADAL

2008-12-09T22:47:00.002Z

A Universidade Popular de Corcubión dará o venres, 12 de decembro o pistoletazo de saída das actividades que ten preparadas para celebrar o seu 25 aniversario. O venres 12 e o domingo 14 de decembro de 17.30 horas ás 19.00 horas terá lugar na Casa da Cultura un obradoiro de manualidades para nenos e nenas de 4 a 12 anos, no que se realizarán actividades relacionadas co nadal. Estas actividades organizadas pola Universidade Popular son subvencionadas pola deputación de A Coruña. Tamén cabe recordar que ate o venres 12 de decembro está aberto o prazo para a recollida de postais infantiles de nadal na Mercería Cacane ou no Kiosco Rosalía (a entrega dos premios das postais gañadoras será o sábado 13 de decembro no "Festival do 25º aniversario da Universidade Popular de Corcubión".

XXV ANIVERSARIO DA UNIVERSIDADE POPULAR DE CORCUBIÓN

2008-11-29T14:28:00.004Z

O 2008 é un ano de celebración, a Universidade Popular de Corcubión cumpre 25 anos. Queremos dende a asociación abrir as portas a todas as persoas a participar nas actividades que durante o mes de decembro imos organizar. O primeiro paso vai orientado aos máis pequenos:

A)Concurso Infantil de Postais de Nadal

BASES:

-O prazo máximo para entrega de postais será o día 11 de decembro. A entrega poderá facerse na Mercería Cacane, Kiosco Rosalía ou a calqueira persoa da Directiva da asociación.

-As postais deben ter un título. Deben estar feitas en cartulinas tamaño medio folio(DIN A-5) e poden estar decoradas como conveña (purpurinas ou outros elementos)

-Deberán entregarse dentro dun sobre pechado no que acompañando á postal irá outro sobre, en cuio interior irá o NOME, APELIDOS, IDADE E DIRECCIÓN POSTAL.

-Descalificarase calqueira obra que presente algunha inscrición que poida identificar á/ó concursante.

-Xurado: dous membros da Directiva da Universidade Popular de Corcubión e un/unha socio/a elexido/a ao azar.

-Premios: un premio por categoría dun lote de libros de temática infantil.

-Nomeamento do/a gañador/a e entrega de premios: sábado 13 de decembro ás 20.00 horas no “Festival: 25º Aniversario da Universidade Popular” na Casa da Cultura de Corcubión.

Participantes:

.Nenos e nenas de 3 a 12 anos
.Categorías:
-De 3 a 5 anos
-De 6 a 12 anos
.Temática:
-Contidos do Nadal

Organiza:

Universidade Popular de Corcubión

Colaboran:

.Mercería Cacane e Kiosco Rosalía

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

2008-11-21T17:25:00.001Z

Aínda que non a sufras directamente non quita que non teñas sensibilidade. O 25 de novembro, Día Internacional Contra a Violencia de Xénero, é o día de tender a man á muller que está na soidade, agachada nun recuncho recóndito e que non ten porta de saída. Dende a Universidade Popular pensamos, cremos e sostemos firmemente que este día ten que ser unha data de compromiso da sociedade, actuando todas e todos.
Dende a posición de asociación, que temos a sorte de desfrutar, denunciamos activamente a violencia ejercida contra as mulleres en razón do seu xénero.
O machista é aquel que pensa que as mulleres son as que deben axudar ás mulleres, nós non somos así. Cremos que todas e todos podemos facer algo contra a violencia machista, instando a que:
- se poñan en marcha recursos para atender ás mulleres nesta situación
-se poñan en marcha campañas de sensibilización
-achegarlle á muller de a pé toda a información precisa dunha maneira sinxela, evitando tecnicismos e reducindo o máximo posible a burocracia, que ás veces é o que fai dar pasos atrás.
-poñer en marcha políticas de intervención reais e eficaces á hora de mentalizar na prevención da violencia.

Como parte dos chamados axentes sociais é a nosa obriga sensibilizar á cidadanía, dar exemplo.
Miremos a igualdade dende un punto de vista persoal, non deixemos que as diferenzas radiquen do sexo. Polo tanto, comprometómonos a colaborar con asociacións, administracións ou entidades que leven a cabo actividades neste campo, axudando a mellorar a efectividade das accións contra a violencia de xénero pulando para que os recursos educativos, sanitarios, sociais,pedagóxicos e de seguridade se axilicen da maneira o máis rápido posible.

Cancioneiro Popular de Corcubión

2008-11-04T15:09:00.005Z

Xa queda pouco para que poidades gozar do

Cancioneiro Popular de Corcubión.

Grazas á vosa colaboración poidemos facer unha recompilación de todas aquelas cantigas que nos acompañan os dias de festa. Esas cantigas populales ou de autor que todos sabemos ou que tan so conocemos un pouco e nos gustaría cantar completas. En breve repartiremos entre tódolos socios un exemplar para que poidades gozar cantando. Grazas a todas e a todos pola vosa colaboración.

Agradecemos de maneira especial a colaboración da Secretaría Xeral de política Lingüística da Xunta de Galica, xa que sen a súa subvención este cancioneiro non sería posible.

XXI ESCOLA DE VERÁN DE CORCUBIÓN

2008-10-12T22:48:00.009+01:00

A andaina pedagóxica anual que ten lugar en Corcubión segue viva, pero con aires renovados. Novas actividades, novos relatores, novos tempos para unha nova ensinanza...

Este ano por diferentes motivos vímonos na obriga de retrasar as actividades da Escola de Verán que se viñan a realizar no mes de setembro ate o mes de novembro, pero aínda así esperemos que os docentes e diplomados sigan crendo na renovación pedagóxica como método de avance na sociedade e na educación.

ACTIVIDADES

I.CONFERENCIA/ENCONTRO: A NOVA EDUCACIÓN:
A IGUALDADE NA EDUCACIÓN

Datas de realización: 10, 12 e 14 de novembro de 2008
Horario: de 17.00-20.00 h.
Lugar: Casa da Cultura de Corcubión
Prazas: 35
Relatoras: Carmen Arnoso Fabal, María Blanco Cortegoso e Mª del Rosario Vázquez Freire

II.CURSO DE TIC PARA MESTRAS E MESTRES: SOFTWARE LIBRE, PREPARACIÓN DE PONENCIAS E CREACIÓN DE BLOGS

Datas de realización: 11, 13 e 15 de novembro de 2008
Horario: de 18.00-22.00 h.
Lugar: Aula de Dinamización (no edificio de Radio Neria)
Prazas: 25
Relator: Javier Calaza Sande

III.CURSO DE MANUALIDADES: O XOGO DAS MANS

Datas de realización: 15, 21 e 22 de novembro de 2008
Horario: de 16.00-20.00 h.
Lugar: Casa da Cultura de Corcubión
Prazas: 20
Relator:Manuel Canosa Sanjurjo

IV.CURSO DE CANTIGAS, XOGOS E XOGUETES PARA EDUCACIÓN INFANTIL, PRIMARIA E ESPECIAL

Datas de realización:10, 12 e 14 de novembro de 2008
Horario: de 18.00-22.00 h
Lugar: Casa da Cultura de Corcubión
Prazas: 30
Relatora:Pilar Vázquez Prieto

MATRÍCULA

-Prezo: 35 €. Ingresar ate o 6 de novembro en Caixa Galicia no nº de conta: 2091-0023-13-3040005106
-A matrícula da dereito a participar en dous cursos-obradoiros
-Entregar a ficha de inscrición e o resgardo do pagamento das tasas ao/á coordinador/a da actividade o día da realización da mesma.
-As/os asistentes recibirán unha homologación da Consellería de Educación e Ordenación Universitaria da Xunta de Galicia por 12 horas para cada actividade. É dicir; obteredes dúas homologacións de 12 horas cada unha.
-Dirixido a:
-Mestres/as de escola pública
-Mestres/as de escola privada-concertada
-Diplomados/as en maxisterio

Importante: -As/Os mestras/es deben posuir correo edu.xunta.es.
-O 30% das plazas de cada actividade será reservada para diplomados/as e o restante 70% será para os mestres/as.

PASOS A SEGUIR

1.-Envio de reserva de matrícula para dúas actividades a universidadecorcubion@hotmail.com indicando nome, apelidos, DNI, estudos, situación laboral actual e contacto.
2.-Unha vez recibida a petición: responderase comentando se exiten prazas vacantes na actividade solicitada, para facer o pagamento no número de conta que se che indicará no correo.

Novo grupo de baile e novo horario

2008-10-01T07:55:00.003+01:00

Cá chegada do inverno modificanse os horarios das clase de baile.

Os pequenos seguirán no horario de 11.00 a 12.00 e os maiores cambiarán o horario para ter a clase pola tarde de 16.00 a 17.30 horas.

Este ano creamos un novo grupo de iniciación para calqueira persoa, da igual a idade que teña, en principio este grupo é so de iniciación asi que si tes medo de bailar en publico non te preocupes que non o vas a facer, o horario será de 12.00 a 13.00 horas.

Para anotarte podes pasar pola casa da cultura nos horarios da clase.

RETOMEMOS AS PANDEREITADAS

2008-09-29T15:00:00.001+01:00

O sábado 4 de outubro retomaranse as clases de pandeireta logo de estar un mes de vacacións. As clases levaranse a cabo na Casa da Cultura ás 11.30 horas.

Día Mundial do Alzheimer

2008-09-20T21:04:00.001+01:00

21 DE SETEMBRO.- DÍA MUNDIAL DO ALZHEIMER

Alzheimer: Non nos esquezamos del nin dos co padecen. O problema duns poucos DEBE ser o de todos.

O 21 de setembro celébrase o Día Mundial do Alzheimer. Un día propicio para que os medios de comunicación e as administracións den a coñecer aos cidadáns e cidadás de que trata a enfermidade e darlle a oportunidade aos que a padecen de falar sobre a súa realidade para abrirlle os ollos á xente do que padecen día a día.

Que é o alzheimer?

O alzheimer é unha enfermidade neurodexenerativa irreversible( as neuronas morren e diferentes partes do corpo atrófianse); pordúcese un deterioro de distintas capacidades como poden ser as capacidades intelectuais, incluíndo a memoria, a comunicación ou a expresión.
A súa causa é descoñecida aínda que hoxe en día estánse dando pasos importantes que axudarán, esperemos, a que nun futuro próximo podamos gozar da información necesaria para obter un tratamento eficaz contra ela.
Aínda que sexa unha demencia, non forma parte do envellecemento normal e non se considera hereditaria. Comeza con trastornos da memoria que interfiren coas actividades cotiás. Algunha vez, cada un de nós, sufrimos de trastornos memorísticos, sobre todo co paso dos anos ou co estrés, pero somos capaces de desenvolver estratexias para compensalos e aínda que os fallos de memoria poidan, nalgunha ociasión, xogarnos unha mala pasada son cousas puntuais. Ao enfermo de Alzheimer os fallos de memoria o limitan de maneira progresiva das súas actividades cotiás. Ao principio,esquécense de feitos recentes pero tamén fai que os seus recordos máis profundos, como a súa xuventude, afloren con todo detalle e nos podan contar dunha forma un tanto espectacular.
Pouco a pouco, deixan de recordar todo o que se refire a si mesmo, o seu nome, idade, onde vive, quen é a súa muller, o seu home, os seus fillos…

Que signos e síntomas teñen os enfermos do alzheimer?

-Trastornos da linguaxe(afasia).
Co paso do tempo o paciente esquence o nome de obxetos de uso corrente,nomes de persoas ou lugares. Isto conleva ademais que ao cabo dun tempo non entendan ben o que se lles di ou pregunta pasando a ter cada vez unha linguaxe máis escasa en recursos, máis pobre e algunhas veces sen sentido
-Agnosia combinada coa indiferencia ou iñorancia do problema.
Os enfermos soen levar a un estado da súa enfermidade a un nivel menos importante do que realmente é. Ao comezo da enfermidade pode haber periodos de ansiedade ante os fallos cometidos intentando xustifcalos con excusas infantiles ou inxenuas:cunha pregunta que lle fagamos coma por exemplo: Cantos irmáns tes? Respondenche cunha sonrisa: "cantos vou ter, tres ou catro".
-Enfados consigo mesmo: debido ás dificultades por recordar certas cousas pode enfadarse, pero este enfado pronto pasa, rapidamente esquence que non foi capaz de responder a unha cuestión sinxela ou que non recorda o nome do seu marido.
-Trastornos de personalidad y conducta: ansiedade, depresión, irritabilidade. Voltarse desconfiado, receloso ou algunhas veces ser hostil, sobre todo coa parella.
-Desorientación espacial: non atopar o camiño de volta á casa e incluso perderse na propia casa.
- Dificultades para realizar actividades complicadas como o debuxo, tocar un intrumento, conducir, cociñar ata perder capacidade de tal maneira que vestirse ou saudar fanse case imposibles.
Por todo esto, que dunha maneira lixeira desmenuzamos aquí, queremos dar a coñecer á sociedade que é o alzheimer,a súa situación, como o viven os seus enfermos e os achegados.
E pedir que dende as administracións públicas fágase un esforzo para que estas persoas pasen a súa enfermidade dunha forma digna, comoda e coas máximas facilidades posibles coa construcción de centros de atención ao enfermo do alzheimer ou con axudas económicas para os seus coidadores/as.

Non os esquenzamos!

NOVA ACTUACIÓN

2008-09-20T18:22:00.003+01:00

O sábado día 27 de setembro ás 20.00 horas o Baile Nerio actuará unha vez máis en Corcubión. O porqué da actuación é debido á Celebración do segundo día das Festas das Mercedes, establecido pola comisión de festas; á cal agradecémoslle a súa invitación.

Novas da Prensa

2008-09-15T18:22:00.006+01:00

Exhibición de Baile rexional en Fisterra o sábado pasado (13 de Setembro) coas agrupacións: Breogán, Terra de Sena, Universidade Popular de Corcubión, Xaramiños, Gaitas de Culleredo e Cantigas da Terra.
Organización: Asociación de pais do Colexio A Nosa Señora do Carme.

("La Voz de Galicia", 15/09/2008)

E se toca?

2008-09-05T15:16:00.004+01:00

70.005

A que soa ben?

Pois cremos que este é o número premiado da lotaría de Nadal 2008 e collémolo como número da Asociación. Pódeste facer cun décimo de 20€ con donativo de 2€ ou se non queres xogar tanto, podes mercar participacións de 5€ que teñen donativo de 1 €. Pregunta no kiosco Rosalia, en Cacane, ou en bares como o Suíza.

Horarios Baile

2008-08-27T09:39:00.013+01:00

O Horario das Clases de Baile este Sábado 30 de Agosto lembrade que é o seguinte:

Nenos/as: de 11:00 a 12:00 h

Maiores: de 12:00 a 13:30 h

Lugar: Casa da Cultura de Corcubión

Qué Camisetas máis bonitas!!

2008-08-26T10:30:00.005+01:00

Aquí están as camisetas para a celebración do 25 Aniversario da Universidade Popular!.

Todo un éxito.

Si che gustan, xa sabes, pídenos información para conseguir a túa.

E-mail: universidadecorcubion@hotmail.com

Aviso Importante

2008-08-22T18:41:00.003+01:00

Para os alumnos de Pandeireta:

O vindeiro Xoves dia 28 de Agosto, as clases de Pandeireta comezarán ás

20:00 ata as 21:30 h.

Na Casa da Cultura de Corcubión.

Que disfrutedes delas!

2008-08-19T10:13:00.004+01:00

Máis fotos

2008-08-19T09:51:00.006+01:00

09 de Agosto 2008

2008-08-10T21:32:00.007+01:00

¡¡GRAZAS A TODOS POR ASISTIR!!

E TAMÉN, A TODOS OS QUE COLABORARON CON NÓS, DUNHA OU DOUTRA MANEIRA, PARA QUE ISTO SE FIXERA POSIBLE.

A DIRECTIVA.

Mensaxe para os artistas!

2008-08-04T17:30:00.004+01:00

Ós interesados que participástedes no Festival de Baile do 1 de Agosto, así como o Festival multiestilos realizado na Casa da Cultura:

Si traedes un usb para gardar as fotos destas actuacións, podedes vir collelas á Casa da Cultura cando queirades.

Saúdos da Directiva

e noraboa polo traballo ben feito!

HOMENAXE DO DÍA 1 DE AGOSTO

2008-08-04T15:20:00.006+01:00

O pasado 1 de agosto no pavillon municipal de Corcubión tivo lugar un festival de baile, que levaba o nome de “Xuntanza do Pasado e do Presente do Baile Nerio de Corcubión” e que estivo presentado polo mestre de baile e tesoureiro da Universidade Popular de Corcubión, Diego Díaz.

O obxectivo deste festival era homenaxear dun modo especial o traballo desempeñado por Lola, mestra do Baile Nerio durante moitos anos e profesional onde as haxa. A homenaxeada chegou ao pavillón enganada grazas á colaboración do que tamén nunca etapa fora mestre do baile, Ricardo. Ó momento de entrar no pavillón quedou abraiada da xente que había alí congregada, pero sobre todo ao ver a antigas alumnas súas como Mar, Alis Mouzo, Merche, Ximena, Patricia, Alba, Marisé ou Laura Picallo, que estaban listas para bailar a “jota de Corcubión”. Logo das actuacións de gaiteiros e de bailes diversos como pandeiradas nos que interviron Luís Alberto, Oscar, Diego, Ximena, Rocío, Raquel, Aida, Mar, Laura ou o baile de “O Areal” interpretado por Raquel Ramos, Merche e Mar.

A nota simpática puxérono os máis pequenos como Alex, Nacho, Raquel, Elena, Judith, Alba, Anita, María, Anita e Ximena. Os aires novos dérono as novas alumnas como Alicia Antelo(tamén antiga alumna), Raquel García, Tania Franco, Katrina, Laura Caamaño e Fanny que foron acompañadas de algunhas das “vellas glorias”.

Ao finalizar fíxose un pasacalles con todos os integrantes que quixeron participar no acto; entregouse un detalle a Lola e outro a dúas mulleres que dedicaron moito tempo e esforzo a que o baile funcionase como funcionou: Cacane e Pura.

Dende a xunta directiva queremos agradecer a colaboración que tivemos de moitas persoas que sin elas todo sería moito máis difícil; a Mª Jesús Martínez (Chus) que está sempre disposta a axudar no arranxo dos traxes coas súas tesoiras, mans e alfinetes, poñendo a súa casa á disposición nosa en calqueira momento. E como non aos socios, socias e aos gaiteiros pola súa aportación musical.

Felicitar a Diego Díaz (actual mestre e tesoureiro da asociación) polo seu traballo e como non aos actuais e antigos alumnos e alumnas polo esforzo que fixeron para acodir aos ensaios durante estas semanas ata altas horas da noite.

2008-08-04T12:22:00.003+01:00

O vindeiro 9 de Agosto volve a actuar o noso Baile Nerio!

Desta vez na Praza de Castelao.

Coincidindo coa celebración da 3ª Festa Gastronómica do Porco Celta en Corcubión, ás 20:15 h podedes disfrutar da Mostra de Baile Popular; coas actuacións dos seguintes grupos:

- Baile Nerio da Universidade Popular de Corcubión
- Asociación As neves (Buxantes- Dumbría)
- Xaramiños (Fisterra)
- Nosa Señora do Carmen (Fisterra)
- Breogán (Brens)

Festival Baile Nerio

2008-07-29T09:52:00.011+01:00

VENRES DIA 01 DE AGOSTO,
NO PAVILLÓN DE DEPORTES DE CORCUBIÓN:

"Xuntanza do Pasado e do Presente do
BAILE NERIO"

Hora: 20:30 h

Agardamos que todos
asistades e que vos guste!!

E ó rematar: "Cea do 25 Aniversario" no Aparthotel
"Praia de Quenxe"
de Corcubión.

Se queres asistir á
cea, ponte en contacto con nós para coller o teu bono.

Prezo: 25 euros.

2008-07-15T18:28:00.001+01:00

Dossier Maio Solidario

2008-07-14T17:51:00.005+01:00

Xa está na páxina web: www.voluntariadogalego.org en forma de arquivo para descargar, o dossier de todo o traballo realizado no mes do I Maio Solidario.

Entra na páxina e clica onde pon "conversas con".

Alí atoparedes tódolos arquivos que vos interesen para descargar.

Agardamos que vos gusten!

Festival de Baile 1 de Agosto

2008-07-14T17:26:00.007+01:00

Este ano celebramos o noso 25 Aniversario.

Este é un dos motivos polo que andamos a preparar un Festival de Baile para o dia 1 de Agosto.

Si participaches como membro do Baile Nerio noutros tempos, ponte en contacto con nós, pois imos tentar xuntar a maior cantidade de ex-compoñentes que, xunto coa xente nova que nos acompaña, o dia 1 de Agosto celebraremos un gran festival de baile rexional.

Ó rematar, imos de cea!!

Así que, xa sabedes, non sexades tímidos e contactade con nós para comezar os ensaios.

Xa hai xente que comezou esta semana pasada.

Animádevos!

HORARIOS DE VERÁN

2008-07-03T17:12:00.013+01:00

Novos Horarios:

Baile Nenos/as: Sábados de 11:00 a 12:00

Baile maiores: Sábados de 12:00 a 13:30

Pandeireta: Xoves de 20:30 a 21:30

XA ESTÁ AQUÍ O "BAILE NERIO"

2008-06-24T19:23:00.005+01:00

Cando Fani, artífice do I Gran Festival Exhibición e de Baile Multiestilos que tivo lugar en Corcubión o sábado 21 de xuño de 2008, propuxo á Universidade Popular que mediante o seu Grupo de Baile Nerio capitaneado por Diego Díaz (á vez tesoureiro) fixera unha exibición das pezas que se estaban a ensaiar non o dúbidamos un momento; máis aínda cando nós seríamos desta forma a representación do baile popular galego neste evento.

Os rapaces e rapazas danzaron ao son da música Muiñeira de Ourense a Muiñeira dos Pequenos; unha vez enriba do escenario da Casa da Cultura María Blanco, Alba Rodríguez, Raquel Miñones, Nacho Coronilla, Alejandro Díaz , Ana Blanco, Elena Coronilla e Ana Rodríguez(Anita) (a sabia nova da nosa asociación) fixo ao público asistente recordar os tempos nos que este grupo de baile fora o berce dun elenco importante de homes e mulleres que chegaron lonxe no arte do baile.

Tras os pequenos chegaron os maiores, xente que dende febreiro retomou ou comezou a andaina deixada fai uns anos atrás. A Muiñeira do Roi Xordo e a Gran Pandeirada foron bailadas con forza e arraigo por Alicia Antelo, Raquel García, Catrina Campos, Laura Caamaño, Tania Franco, Laura Picallo, Raquel Ramos, Diego Díaz (mestre) , Gustavo Mesías e Oscar Ínsua. Faltaban algunhas persoas, como por exemplo Jan, non puido bailar por ter unha perna escaiolada(recupérate Jan) pero que de seguro a próxima vez mostraranos as súas dotes enriba dun escenario.

Aproximadamente tras 5 anos de inexistencia total do Baile Nerio (desta vez non na man de Lola e Ricardo(antigos mestres) senón de Diego, pupilo destes dous), en Corcubión volvése a falar del, e con opinións positivas da actuación que se levou a cabo o sábado e que esperemos que as cousas sigan así para poder seguir deleitándovos cos nosos bailes. Grazas a todos e todas polo voso apoio.

O I MAIO SOLIDARIO CHEGOU AO SEU FIN

2008-06-16T23:08:00.012+01:00

O I Maio Solidario de Corcubión rematou. As xornadas nas que podemos achegarnos ao comercio xusto de man de Panxea e Equus Zebra; asistimos a conferencias incluídas no ciclo CONVERSASCON da Dirección Xeral de Xuventude e Solidaridade da Vicepresidencia da Xunta de Galicia; observamos con detimento a exposición na Casa da Cultura "Os obxectivos do milenio"; vimos curtametraxes e algunha longa incluida en Cinemas Dixitais; pero como todo que chega ao seu fin...hai que rematalo con aínda máis forza se cabe que ca que comezou, polo que o pasado venres 13 poidemos asistir a unha festa onde os grupos Aló Djangó (cunha cabareteira incluída) e os Chiquilicuatres ofrecéronos uns repertorios que moitos de nós non esquenceremos en moito tempo. A boa noite e o bo ambiente palpábase, e cando iso é así...vale a pena o traballo e o tempo invertido en traer a Corcubión e á Costa da Morte unhas xornadas coa presenza de persoeiros dunha gran categoría.

Dende o noso blog queremos agradecer á xente que fixo posible isto, ben pola súa colaboración na festa, conferencias...:

-Dirección Xeral de Xuventude e Solidaridade da Vicepresidencia da Xunta de Galicia

-Aos socios e socias

-Aos poñentes: Esteban Varela, Mohamed Safa, Teresa Franco, Victor Ogmbá e Mayte Arufe

-Ás ONG´s Panxea e Equus Zebra

-Áos veciños e veciñas de Corcubión e da Costa da Morte

-Ao Concello de Corcubión

-Á asociación Xuvenil Illa Lobeira, Clube de Remo "Furacán" e asociación de veciños da Prazoleta
-Aos Chiquilicuatres e AlóDjangó

-Aos medios de comunicación, en especial: semanario " O acontecer", páxina web: http://www.quepasanacosta.com/ (especialmente a Ubaldo); ao blog: http://www.protestacorcubion.blogspot.com/; http://www.voluntariadogalego.org/; a radio Neria de Corcubión e radio Nordes-cadena ser.

-Ao noso amigo Drok

-E como non, ás nosas familias e amigos e amigas por aturar os nosos nervios e polo pouco tempo que lles adicamos.

A todos eles e a aqueles que se nos esqueza: Millóns de grazas por facer que un soño se faga realidade...

NA PROCURA DO SABER POPULAR...

2008-06-12T11:56:00.002+01:00

Estamos á procura de cantigas populares que todos e todas mantemos na memoria e que empregamos en xuntanzas familiares, cos amigos, de festa… Referímonos ao saber popular que cada un e unha de nos temos na nosa memoria e que proximamente coa vosa axuda podermos ter entre as nosas mans...
Dentro do amplo abano de cantigas que cada un pode aportar atopamos por exemplo "A tus pies...","A Rianxeira", "Din que van a poñer ferrocarril a Fisterra...", "miudiño,miudiño...",etc. Seguro que algún de vos somentes sabe unha estrofa, un parágrafo ou incluso un título; non teñades reparo en enviarnolo ao correo, xa que entre todos e todas seguro que conseguimos ir completando as cantigas.
Recordade que podedes enviarnolo ao correo: universidadecorcubion@hotmail.com ou ben entregalo en man a calqueira membro da Xunta Directiva.

Agradecemos a vosa colaboración

VACACIÓNS PARA OS GAITEIROS E GAITEIRAS!!

2008-06-11T22:08:00.003+01:00

Debido á chegada do verán as clases de gaita quedarán dende hoxe temporalmente suspendidas ate setembro; mes no que se fará unha xuntanza coa xente que queira seguir ou ben quera adherirse ao grupo que leva dende marzo para establecer os horarios e os días nos que se vai levar a cabo.

ACHÉGASE A FESTA SOLIDARIA!!

2008-06-08T19:52:00.004+01:00

O día 30 do pasado mes de maio tivemos que suspender o festival de peche que tiñamos previsto polas inclemencias metereolóxicas. Asegurámosvos que Corcubión non ía quedar sen Festa Solidaria, polo que este próximo venres, día 13 de xuño esperemos que todo Corcubión desfrute dos concertos de "Aló Djangó" e dos "Chiquilicuatres".

Agardámosvos!!!

STOP CAMBIO CLIMÁTICO. BENVIDA BIODIVERSIDADE SOSTIBLE!

2008-06-04T23:31:00.003+01:00

A Asociación Universidade Popular de Corcubión fai público co gallo do Día Mundial do Medio Ambiente o seguinte manifesto medioambiental:

Facemos un chamamento á sociedade, aos educadores, aos medios de comunicación, aos políticos, organizacións de distintos ámbitos, empresarios… Queremos que intenten buscar e difundir a conciencia e a sensibilidade, tan característica dos habitantes da Costa da Morte e de Galicia, esperamos sensibilidade. Pensamos que este é un bo día para que todo cambie, parq que o noso medio ambiente non conviva coa contaminación atmosférica, perda de biodiversidade, deforestación, contaminación de augas e solos, efecto invernadoiro motivado pola destrucción da capa atmosférica…

Pedimos con forza, alzando a voz, que a nivel ambiental:

- se aplique o Protocolo de Kioto nos prazos que se acordaron,
- se siga de preto as emisións de compostos químicos polas industrias para evitar problemas nos ecositemas, sobre todo o mar, que está a ser o maior perxudicado,
-se apoie a actividade de asociacións que están a protexer o medio como Asociación de Protección do Monte Galego Locus Amoenus, ADEGA, ASOAR-ARMEGA, Verdegaia ou Amigos da Terra, entre outras,
-na vida de cada un, faga o máximo aforro enerxético e material posible, xa que á larga non so o notará o individuo en cuestión, senón que notarémolo todos,
-fomentar as enerxías renovables con criterios de sustentabilidade. Minimizando o seu impacto ambiental e extendendo os seus beneficios á poboación,
- se fomente os famosos 3R (reutilizar, reciclar e recuperar) no fogar, empresa e administracións; así como a compostaxe e reciclaxe de medicamentos,
- se fomente dunha educación ambiental sostible dirixida a toda a cidadanía, sobre todo aos máis pequenos,
- se fomente do bosque autóctono e promocion do noso agro,
-se diminúan as emisións de CO2 á atmosfera por uso indebido de automóbiles, calefaccións…

Imos recuperar a nosa vida, imos ser solidarios e imos comprometernos coa nosa nai, a nai de todos, a Terra!!!

APRÁZASE A FESTA SOLIDARIA

2008-05-29T20:57:00.003+01:00

A festa solidaria prevista para o venres 30 de maio, incluída no I Maio Solidario de Corcubión, que organizamos conxuntamente coa Vicepresidencia da Xunta de Galicia, a través da Dirección Xeral de Xuventude e Solidariedade, tivo que ser aprazada ata unha nova data(aínda sen determinar) debido ás previsións de chuvia para mañán e para todo o fin de semana. Esperemos que pronto podamos desfrutar dos grupos que tiñamos previsto que actuasen o día de mañán para concluir o Maio Solidario cunha boa dose de liberacion de folgos.

COMERCIO XUSTO

2008-05-25T20:56:00.002+01:00

Dende o sábado 24 de maio podedes atopar no Cárcere Vello de Corcubión a semana adicada ó comercio xusto, que se encadra dentro do I Maio solidario. Esta exposición de productos biolóxicos e de comercio xusto estará aberta ata o venres día 30.

Os horarios son os seguintes:
Mañáns: 11.00-13.00 horas
Tardes: 17.00-20.30 horas

Se as condicións climatolóxicas o permiten o Comercio Xusto será sacado a rúa unhas horas ao medio día de cada día, tendo asi dous puntos de venta de productos(no Cárcere e na Praza Castelao).

REMATOU CONVERSASCON

2008-05-25T20:44:00.005+01:00

O xoves 22 de maio, Teresa Franco e Mayte Arufe expuseron frente a medio centenar de persoas os aspectos legais sobre a Lei de inmigración, así como a resolución de dúbidas expostas polos asistentes en canto aos pasos a levar a cabo para que unha persoa procedente dun terceiro país poda conseguir ser nacionalizado e, polo tanto, conseguir a súa regularización.

O venres 23, remataron as conferencias encadradas dentro do ciclo Conversascon, promovido pola Dirección Xeral de Xuventude e Solidariedade e organizadas pola Universidade Popular de Corcubión. O encargado de poñer fin a este ciclo foi o oftalmólogo palestino residente en Corcubión Mohamed Safa. Safa, diante dun auditorio repleto, fixo unha análise lúcida e directa do conflito palestino. Lembrou aos asistentes a situación de acoso e sometemento que se vive na franxa de Gaza e Cisxordania. A falta dun espazo de liberdade imposibilita, a xuízo de Safa, unha solución pacífica do conflito. Logo da conferencia, o público participou nun animado coloquio.

Esta semana....

2008-05-22T16:32:00.006+01:00

Xoves 22 de maio: "A LEI DE INMIGRACIÓN".

Teresa Franco. Licenciada en Dereito e experta en lexislación social.

Hora: 20:30 h

Venres 23 de maio:

"PALESTINA OU A CRÓNICA DUNHA TRAXEDIA".

Mohamed Safa. Oftalmólogo palestino residente en Galiza.

Conferenciante e escritor, foi responsábel na Galiza da OLP.

Hora: 20:30

Link: http://www.lavozdegalicia.es/carballo/2008/05/21/0003_6836982.htm

Documentais:

Xoves 22 de maio: "Vilaboa, mirando a Meca / Mundo Bazar".

Xusto despois da Conferencia de Teresa Franco.

Link:

http://www.axenciaaudiovisualgalega.org/public/index.php?seccion=oficinapromocion/cinemas/cinemas.php&cinemas=1

Actividades organizadas coa colaboración de: Vicepresidencia, Igualdade e Benestar, Dirección Xeral de Xuventude e Voluntariado, Ciclo Conversascon, Ciclo de Cinemas Dixitais (Axencia Audiovisual Galega).

VÍCTOR OMBGÁ FALA SOBRE ÁFRICA NO MAIO SOLIDARIO DE CORCUBIÓN

2008-05-20T11:04:00.004+01:00

O pasado Venres 16 de maio, dentro das actividades do I Maio Solidario de Corcubión, tivo lugar na Casa da Cultura a conferencia de Víctor Omgbá ÁFRICA, SITUACIÓN DO CONTINENTE E INMIGRANTES AFRICANOS EN GALICIA, organizada pola Universidade Popular de Corcubión e a Dirección Xeral de Xuventude e Solidariedade dentro do Ciclo "Conversascon".

Víctor Omgbá, xornalista e escritor camerunés, fixo un percorrido polas causas e consecuencias da inmigración africana destacando as precarias condicións de vida dos países de orixe.

Lembrou que o fenómeno migratorio é algo cíclico, que onte lle tocou vivir ao pobo galego e que hoxe son outros os que se ven obrigados a iniciar penosos roteiros migratorios para mellorar a súa vida.

Víctor Omgbá, presidente-fundador da ONG Equus Zebra de axuda ao inmigrante amosou os proxectos que a súa organización ten en marcha en África, o máis destacado deles, a construción dun hospital en Senegal.Logo da charla iniciouse un animado coloquio entre o público asistente -unhas cen persoas- no que Víctor Omgbá achegou as súas experiencias e coñecementos.

2008-05-16T11:28:00.009+01:00

Víctor Omgbá

(Nkongsamba 1967)

Escritor e xornalista galego de orixe camerunesa.
Estudou dereito no Camerún, en 1995 chegou a Europa e logo de pasar uns meses en Madrid estableceuse na cidade da Coruña.

En 2001 publicou "Calella sen saída", unha crónica novelada sobre a inmigración e parcialmente autobiográfica, ademais é a primeira obra publicada en galego por un autor afrogalego. En 2002 o seu libro traduciuse ao catalán.

É presidente da ONG Equuos Zebra e colabora en La Voz de Galicia.

Hoxe, Venres 16, ás 20:30 h na Casa da Cultura de Corcubión, dentro do Ciclo "Conversascon", nos falará de

África: "situación do continente e inmigrantes africanos en Galicia".

Esta semana.....

2008-05-14T10:07:00.008+01:00

A inmigración en América e África, a debate esta semana no I Maio Solidario

Este Xoves 15 de Maio proxectarase o documental "Bs.As", unha película sobre Bos Aires e a súa relación con Galiza; e o Venres 16, o xornalista e escritor camerunés, Víctor Omgbá, impartirá unha conferencia na que falará sobre “África, perspectiva do continente e inmigración africana en Galiza”.

Na Casa da Cultura de Corcubión, ás 20.30 horas.

Así mesmo, ata o día 15 de maio permanecerá no mesmo espazo a exposición "Os Obxectivos do Milenio", dirixida a conseguir respecto e defensa dos principios da dignidade humana,a igualdade e a equidade no plano mundial.

Achegámonos á situación do pobo saharauí

2008-05-10T14:16:00.002+01:00

Esteban Varela, Subdelegado da Asociación Galego de Solidariedad co Pobo Saharauí e responsábel para a Costa da Morte do Programa Vacacións en Paz, impartiu onte venres unha charla dentro dos ciclos Conversascon enmarcada na programación do “I Maio Solidario de Corcubión”.

Nesta charla, organizada pola Dirección Xeral de Xuventude e Solidariedade e a Asociación Universidade Popular de Corcubión, explicouse a situación actual do pobo saharauí e repasáronse os feitos históricos que levaron a esta situación: abandono das antigas colonias españolas, ocupación do territorio por Marrocos (Marcha Verde), represión contra a poboación autóctona saharauí e incumprimento por parte do goberno marroquí, de todos os acordos internacionais e resolucións da ONU tendentes á resolución do conflito.

Varela fixo fincapé nas condicións de vida nos campamentos de refuxiados nos que habitan ó redor de 180.000 persoas. Estes campamentos están situados ao oeste de Alxeria, nunha zona de deserto coñecida como hamada, descrita pola poboación alxeriana como “o deserto do deserto”.

A xente que vive nestes campamentos, depende para a súa subsistencia da axuda internacional. Na actualidade, a Media Lúa Vermella Saharauí, o equivalente á nosa Cruz Vermella, ten declarado un estado de alerta, xa que non existe ningunha reserva de alimentos. Esta organización, fixo un chamamento aos países, organizacións internacionais, ONGs, comités de amizade e sociedades civís para que envíen axuda alimentaria o antes posíbel coa finalidade de evitar unha catástrofe humanitaria que ameaza a vida de miles de refuxiados.

Tamén explicou que dende 1991, ao redor de 100.000 nenos e nenas saharauís, participaron no programa Vacacións en Paz. Os obxectivos desta iniciativa son: que o neno ou nena pase os meses de verán lonxe das duras condicións climatolóxicas da hamada, que aprenda un novo idioma e que poida ser revisado por médicos especialistas para incrementar as opcións dun desenvolvemento físico saudábel, feito de capital importancia dado o medio co que conviven.

No 2007 participaron neste programa 9.850 nenos e nenas. Galicia é a cuarta comunidade española que máis nenos e nenas acolle.

Trala charla, o numeroso público asistente participou nun animado debate no que se resolveron dúbidas sobre o conflito, as condicións de vida do pobo saharauí e o programa Vacacións en Paz.